Man using the smart mobile phone when sitting on toilet bowl
મોબાઇલ આપણા જીવનનો એક મહત્ત્વપૂર્ણ ભાગ બની ગયો છે. બાળકોથી લઇને વૃદ્ધો સુધી દરેકના હાથમાં મોબાઇલ જોવા મળે છે. મોબાઇલ સાથે આપણું જોડાણ એટલું વધી ગયું છે કે થોડો સમય પણ આપણે તેનાથી દૂર નથી રહી શકતા. એટલે સુધી કે ટોઇલેટ જતી વખતે પણ મોબાઇલ સાથે લઇને જઇએ છીએ અને ત્યાં બેઠાં-બેઠાં તેનો ઉપયોગ કરીએ છીએ, જેથી સમય પસાર થઈ શકે. પરંતુ ટાઇમપાસની આ પ્રવૃત્તિ તમને બીમાર બનાવી શકે છે.
ડોકટર્સનું કહેવું છે કે, જે લોકો કમોડ એટલે કે ટોઇલેટ સીટ પર બેસીને મોબાઇલ ફોનનો ઉપયોગ કરે છે તેમને પાઇલ્સ થવાનું જોખમ રહેલું છે. તાજેતરમાં યૂકેમાં એક સર્વે કરવામાં આવ્યો, જેમાં જાણવા મળ્યું છે કે 57% લોકો એવા લોકો છે જેઓ કમોડ પર બેસતી વખતે મોબાઈલનો વારંવાર ઉપયોગ કરે છે અને 8% લોકોનું કહેવું છે કે, તેઓ જ્યારે પણ ટોઇલેટમાં જાય મોબાઇલ સાથે લઇને જાય છે અને તેનો સતત ઉપયોગ કરે છે. આ અભ્યાસમાં ડોકટર્સે તારણ કાઢ્યું કે, જે લોકો ટોઇલેટ સીટ પર બેસી મોબાઇલનો ઉપયોગ કરે છે,
તેમને ઘણી સ્વાસ્થ્ય સમસ્યાઓ હોય છે અને પાઈલ્સ જેવા ખતરનાક રોગો થાય છે એ વાત પણ આ અભ્યાસમાં સામે આવી હતી.
વધુ સમય ટોઇલેટ સીટ પર બેસી રહેવાથી નસો પર પ્રેશર આવે છે બ્રિટનના ડો. સારાહ જેર્વિસે વાત કરતાં જણાવ્યું કે, તમે ફોન લઇને કેટલો સમય કમોડ પર બેસી રહો છો એ કારણથી હેમરોઇડ્સ એટલે કે પાઇલ્સ અથવા મસા થવાનું જોખમ અનેકગણું વધી જાય છે. તમે જેટલો વધુ સમય ટોઇલેટમાં ફોન વાપરશો એટલો વધુ સમય ટોઇલેટ સીટ પર બેસી રહેશો, જેનાથી ગુદાના સ્નાયુઓ અને નસો પર પ્રેશર વધવા લાગે છે અને પાઇલ્સ થવાનું જોખમ વધી જશે.
અત્યાર સુધી કબજિયાત અથવા શૌચક્રિયામાં દબાણ લાવવા પર જ પાઈલ્સ થવાની ફરિયાદ રહેતી હતી. આ ઉપરાંત, સગર્ભા સ્ત્રીને, સતત ઉધરસની સમસ્યાથી પીડાતા લોકોમાં અથવા વૃદ્ધ લોકોમાં પણ પાઇલ્સની સમસ્યા વધુ જોવા મળતી હતી. પરંતુ છેલ્લાં કેટલાક વર્ષોમાં એવું જોવા મળ્યું છે કે, જે લોકો કમોડ પર બેસી મોબાઇલનો વધુ ઉપયોગ કરે છે તેમને પણ પાઈલ્સ થવાની ફરિયાદ રહે છે
સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<— અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો. જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ ફેસુબક પેજ લાઇક કરો. આભાર…